Sermo VII .

Item, sermo fratris Bonaventurae Parisius apud sanctum Dionysium.

Aquila grandis magnarum alarum, longo membrorum ductu, plena plumis et varietate, venit ad Libanum et tulit medullam cedri. Summitatem frondium eius avulsit, Ezechielis decimo septimo .

In verbis istis mystice sumtis describit Propheta elevatum Verbum incarnatum et nobis natum a tribus, scilicet a fortitudine Divinitatis immensae, cum dicitur: Aquila grandis, Filius Dei, (aquila ) scilicet dictus propter irrefragabilitatem potentiae; magnarum alar um , propter latitudinem benevolentiae dillusivae; longo membrorum ductu, propter sempiternitatem persistente; plenaplumis, propter ornatum pulcritudinis multiformis universalis creaturae; et vari etate , propter formositates supermirabiles pulcriformis suae gloriae.

A mansuetudin e humanitatis assumtae, cum subditur: venit, per incarnationem sacratissimam; ad Libanum, id est ad Virginis uterum purum, clarum et candidum; et tulit medullam cedri, id est partem praecipuam purissimorum humorum virgineorum, et se post conceptum consummatum et eius tempus secundum naturam decursum per nativitatem temporalem mundo manifestavit.

A dispensatione circumcisionis mysterialis susceptae, cum addit: Summitatem frondium eius avulsit, id est, superfluitates vitiosas mundi resecandae contingit (?) per circumcisionis dispensationem.

I. Circa primum nota, quod Verbum incarnatum dicitur aquila: propter praescientiam regiminis triumphantis et militantis Ecclesiae; Osee octavo : Qua''si aquila super domum Domini.

Propter eminentiae volatum maiestatis divinae et altitudinis humanae naturae; Proverbiorum trigesimo: Viam aquilae in caelo; Iob trigesimo nono: Nunquid ad praeceptum tuum elevabitur aquila? ''

Propter luculentiam aspectus fontalis lucis sapiente; Iob trigesimo nono : Oculi aquilae de longe c onte mplantur escam.

Propter reboantiam affatus universalis creaturae et suae sanctae Scripturae et propriae doctrinae; Apocalypsis octavo: Audivi vocem unius aquilae volantis per medium caeli, dicentis voce magna: Vae, Vae etc

Propter diligentiam cultus filiorum gratiae; Deuteronomii trigesimo secundo : Sicut aquila provocans ad volatum pullos suos, et super eos volans, expandit alas suas etc

Propter providentiam sive curam congregationis electorum tanquam lapidum pretiosorum in nido gloriae; Exodi decimo nono: Vos ipsi vidistis, quae fecerim Aegyptiis, quomodo portaverim vos super alas aquilarum et assumserim mihi.

II Omisso secundo quomodo venit in Virginem et manifestavit se per nativitatem temporalem; nota circa tertium, quod Christus natus superfluitates mundanas per circumcisionem suam mysterialem avulsit: dum per ipsam resecationem spiritualem quinque sensuum insinuavit; Isaiae vigesimo o ctavo : Quem docebit scientiam et quem intelligere faciei auditum? Ablactatos a lacte, avulsos ab uberibus.

(Dum) peccata nostra avellere sanguinem fundendo incepit; Ieremiae quinquagesimo primo: Extendam manum meam super te et evellam te de petris.

Dum per eam futuros errores Fausti et Manichaei amputavit; Amos septimo : Armentarius ego sum vellicans sycomoros.

Dum per eam nostram inobedientiam sua obedientia confutavit; Danielis septimo : Tria de cornibus primis evulsa sunt a facie eius, scilicet in Deum, in se et in proximum.

Dum per eam nostram singularitatem sila conformitate damnavit; Danielis septimo: Evulsae sunt alae singularis bestiae, et sublata est de terra.

Dum per eam nostram superbiam sua humilitate repressit; Abdiae primo : Si inter sider a posueris nidum tuum, inde detraham te.

Dum per eam nostram concupiscenti am sua afflictione in parte illa refrenavit; Psalmus, secundum aliam litteram: Avulsi sunt peccatores a vulva.