122 BARCHINONEN.

tunc subiit praefata paroecia, quae praesertim sunt se- quentes :

» 1. Sacerdotes adscripti servitio illius ecclesiae una cum parocho antea quinque habebantur, nunc solummodo sunt tres : numerus omnino impar, cum diebus festis in illa parochiali saltem septem missae necessariae sunt, iuxta notitiam a parocho mihi posterius datam, non autem sex ut in preci- bus exprimitur.

» 2. Numerus incolarum ita crevit ut impraesentiarum a 10,000 mille ad 12,000 mille recenseantur.

» 3. Concursus peregrinorum ad illam parochialem eccle- siam (celebre quidem fanum B. M. V . ) confluentium ex dissi- tis locis exigit, ut meridie, diebus festis, missa celebretur, secus quamplurimi fideles sunt, qui ad visitandam B. V. M. illa hora accedunt et missam non audiunt.

» Quae quidem adiuncta, attenta dictae parochialis eccle- siae exiguitate, oratoris petitioni vim tribuunt eamque robo- rant.

» Verum sane est, novas domos religiosas intra limites illius paroeciae recenter constructas esse, quibus auctus fuit numerus pristinarum, ita ut in praesenti extant duodecim instituta religiosa cum suis publicis sacellis, ast considerare oportet fere omnia instituta religiosa ibi erecta parum con- ferre ad publicum fidelium servitium. Etenim in collegiis et conservatoriis missae diebus dominicis et festis celebrantur tantummodo pro pueris vel puellis respective viris religiosis vel sanctimonialibus commissis, et in quinque publicis mo- nialium ecclesiis ibi sitis, quamvis publice celebrentur, ad eas pauci fideles concurrunt ob templorum angustiam.

» Quibus omnibus sedulo perpensis infrascriptus Episcopus existimat oratoris petitionem serio attendendam esse ».

Disceptatio Synoptica

GRATIA DENEGANDA VIDETUR. Benedictus XIV in Constit. Declarasti Nobis, postquam citasset canonem Concilii Nemau-