119. De Beata Maria V.

1 a. Salve, sponsa patris aevi,
Supplantatrix hostis saevi
Reparatrix gratiae;

1b. Salve, mater nostri Dei,
Suffragatrix nam es rei.
Salve, pulchra facie.

2 a. Sine peccati fomite
De alti rami stipite
Gentibus es producta)

2 b. Sine impudico tactu
Fecundans almo fructu
Et manes incorrupta.

3 a. Stella es navigantibus
In mundo fluctuantibus,
Salus, spes desperatis.

3 b. Stella tu refulgentior,
Luna, sole splendidior,
Lucens caelo beatis.

4 a. Signat Gabrielis sonus,

Summi quod es regis thronus,
Ave, plena gratia ;

4 b. Signat stella nam magorum
Te dominam angelorum
Eis dans solacia.

5 a. Sola quod porta es, creditur,
Per quam verbum ingreditur
In mundi exsilinm;

5 b. Sola et portam aperis,

Quam dudum clausam reperis,
Aperis per filium.

6 a. Sancta gratia spiritus
Es repleta divinitus,
Sic te pater amavit,

6 b. Sanctaque summa trinitas,
In deitate unitas,
Se tibi sociavit.

7 a. Subveni, mater, miseris,
Subveni tuis famulis,
Adiuva hymnizantes;

7 b. Subveni et nos emenda
A vitiis et commenda
Nos filio cantantes.

8 a. Succurre viatoribus,
Ne satanae terroribus
In fine terreamur ;

8 b. Succurre et cum angelis,
Ut gaudiorum in caelis
Consortes perfruamur.