Acta Benedicti PP, XV 123

habitura legis vim nec ullum omnino usum, nisi, cum iusti- tiae aequitatisque fundamentis constituta fuerint, tum etiam nacta sint mores et insti tuta populorum iis christianis conformata principiis, quae de civili cultu ethnicam tur- pitudinem depulerunt, et quorum virtus ad res humanas privatim publiceque emendandas Francisci temporibus mi- rifice apparuit. Profecto si domitas habeant virtute cupidi- tates, exsistet in hominibus singulis ille ordo intimus, quo ipsa societatis humanae ordinatio niti tur ; ex fraterna au- tem caritate, si quidem eam non minus, quam iustitiam, classes inter se civium itemque populi, sicut christianos decet, colere instituerint, efflorescet mutua fides, qua nihil melius ad alendam pacem et confirmandam.

Haec ut, divino beneficio, quamprimum christiana mo- rum renovatio fiat, eoque ipso orbis terrarum in longum tranquilletur, Nos equidem precamur petimusque, optantes interea ut saecularis, quam diximus, celebritas exspectatis- simum tempus, sancti Francisci spiritum vulgando, ma- turet.

Nunc autem, venerabiles fratres, antequam ad Episco- porum cooptationem veniamus, eximios viros sex in perho- norificum Ordinem vestrum adlegere constituimus.

Hi sunt :

FRANCISCUS RAGONESI, Archiepiscopus tit. Myrensis, Noster in

Hispania Nuntius Apostolicus;

MICHAEL DE FAULHABER, Archiepiscopus Monacensis et Frisin-

gensis;

DIONYSIUS DOUGHERTY^ Archiepiscopus Philadelphiensis;

IOANNES BENLLOCH Y VIVÓ, Archiepiscopus Burgens is ;

FRANCISCUS ASSISIENSIS VIDAL Y BARRAQUER, Archiepiscopus Tar-

raconensis ;

CAROLUS IOSEPHUS SCHULTE, Archiepiscopus Coloniensis.

Quid vobis videtur ?