BARCHINONEN. 123

sensis, ubi haec leguntur: « Si omnes parochiani ad unam missam simul non possint convenire, eo quod in diversis locis habitant distantibus ab ecclesia et remotis, nec sunt in ecclesia duo sacerdotes, et, dicta prima missa, postmodum parochiani venientes postulent aliam missam sibi dici, poterit tum sacerdos missam aliam celebrare ; » deinde haec animad- vertit: « Ea potissimum verba diligenter observari debent, ubi non est nisi unus sacerdos ; nec non alia, nec sunt in ecclesia duo sacerdotes. Ex. quibus clare perspicimus non li- cere parocho, si alius sacerdos praesto sit, duo sacra perficere diebus festis, ut populus missae sacrificio intersit....... sive

una tantum sit ecclesia in qua missa celebratur, et ad quam insimul universus populus convenire non potest ».

Insuper notum est ex cap. Consuluisti et eas cap. Te Re- ferente De celebrat, mis. presbyteros una vice tantum posse eadem die missae sacrificium offerre, nisi aliter necessitatis causa suadeat. Ac quamvis Glossa causae necessitatis addat etiam causam « honestatis vel utilitatis, » nihilominus in praxi retinenda potius videtur doctrina Fagnani, qui in cap. In Ordinando De Sim. de venia bis celebrandi tradit: « id nonnisi ex magna necessitate fieri debet et magna cautela». Cui prudenti disciplinae et S. C. C. constanter adhaesisse no- vimus ex Derthusien. 20 Aug. 1768 ; Nicien. 27 Nov. 1790, et recentius ex Arboreen. 23 Aug. 1872; Avenionen. 22 Apri- lis 1882 ; Ortonen. 29 Martii 1890. Quae clariora évadent si EE. V V . recolere dignabuntur casum propositum in una Venetiarum die 28 Februarii anni 1891, in quo oeconomo paroeciae insulae Murano facultatem binandi pro quarta missa petenti, licet exposuisset « di dover nei dì festivi provvedere a più che settemila persone la santa messa, » et Emi Pa- triarchae commendatio .accederet, rescriptum fuit : « Attentis omnibus non expedire ».

In casu vero cum quatuor iam missae diebus festis in ecclesia paroeciali celebrentur, praeter duodecim, quae in publicis Institutorum religiosorum oratoriis, licet in horis respectivis familiis religiosis magis convenientibus, Utantur,