121. De Beata Maria V.

1 a. Ave, mundi mater pia,
Mundi salus, o Maria,
Sanctitatis speculum.

1 b. Salve, per quam lux est orta,
Paradisi patens porta,
Qua salvatur saeculum.

2 a. Gaude, stella matutina,
Sol, aurora, lux divina,
Fons misericordiae.

2 b. Angelorum tu regina,
Peccatorum medicina,
Spes et vena veniae.

3 a. Salve, per quam vita data,
Deo cara, Deo grata,
Salve, plena gratia.

3 b. Super omnes sublimata,
Sis pro nobis advocata
In caelesti curia.

4 a. Speciosa,

Fragrans rosa,
Mater honorata:

4b. Gloriosa,
Gratiosa,

Femina beata.

5 a Tu benigna,
Laude digna,
Tu dulcora,
Tu decora,

Tu perenne gaudium.

5 b. Mediatrix
Et salvatrix,
Omni hora
Sine mora

Roga tuum filium.

6 a. O virginis principium,
Castitatis lilium,

6 b. Trinitatis hospitium,
Salutis consilium.

7 a. Animarum solacium,

Nostrum decus et gaudium,

7 b. Quem genuisti filium,
Nobis redde propitium ;

8. Expelle nostrum vitium,
Caeli duc ad palatium.