138.

1. Dies ista colitur,

Pange symphoniam,
Nam puer, qui nascitur

Juxta prophetiam,
Ut, gigas egreditur
Ad currendam viam.
R Felix est, egressio,
Per quam fit salvatio.

2. Diei festivitas

Hujus celebretur,
Ut prudens simplicitas

Bonum operetur,
Et non cesset caritas,
Quae nos comitetur.
R Felix est egressio,
Per quam fit salvatio.

3. Diei det gloriam

Homo jam renatus,
Qui per negligentiam

Olim exulatus,
Per misericordiam
Redit liberatus.

4. Diem hunc laetitiae
Fecit ipse Deus,

Dono cujus gratiae
Reparatur reus,

Dum ad domum viduae
Redit Elisaeus.

5. Dies o quam celebris
Et quam admiranda,

Lux lucens in tenebris,
Lux glorificanda,

Per quam umbra funeris
Nobis et vitanda.

6. Die ista splenduit

Lumen illud clarum,

Quod olim innotuit
Voce prophetarum,

Cujus splendor diluit
Noctem tenebrarum.