1 2 6

DECRETUM (1)

Quo SSMUS PATER LEO X I I I DECLARAT AC STATUIT, MATRIMO-

NIUM, QUOD AIUNT CIVILE, IMPEDIMENTUM IUSTITIAE PUBLICAE

HONESTATIS NON PRODUCERE.

Postquam laici legumlatores praeter civiles ac politicos matrimonii effectus, impio ausu ipsum pervadere ac mode- rari praesumpsere matrimoniale foedus, quod a Deo auctore naturae, ante omnem civilis societatis existentiam primitus in- stitutum, ac ad ineffabilem Sacramenti dignitatem deinde a Christo Redemptore evectum, quamlibet politicam et civilem iurisdictionem penitus excedit, pluries Episcopi aliique anima- rum pastores ab Apostolica Sede anxii postularunt, an ex actu civili, qui honorandum usurpât matrimonii nomen, impedimentum iustitiae publicae honestatis oriatur. Quae postulationes cum iteratae postremis hisce temporibus fuissent, Summus Pontifex mandavit, ut huiusmodi negotium a s. Congregatione Emorum ac Rmorum S. R. E. Cardinalium Concilii Tridentini interpre- tum ritu ac sedulo expenderetur. Sacra autem Congregatio, ex- quisitis virorum in theologicis et canonicis disciplinis peritorum consultationibus, ac re mature discussa in generali comitio diei 13 Martii 1879 propositae dubii formulae - An actus* qui vulgo audit matrimonium civile* pariat impedimentum iustitiae publicae honestatis - rescripsit - Negative; et consulendum SSmo* ut id declarare ac statuere dignetur. - Quapropter SSmus Dnus noster Leo Papa XIII audita universa rei relatione in audientia diei 17 eiusdem mensis in voto S. C. concedens, per praesens decretum declarat, ac statuit, praememoratum actum, qui vulgo dicitur matrimonium civile, in locis ubi promulgatum est de- cretum Concilii Tridentini Sess. XXIV cap. 31 de Reform, ma- trim, sive fideles actum ipsum explentes intendant, uti par est, (matrimonio ecclesiastico iam rite celebrato, vel cum animo illud quantocius celebrandi) meram caeremoniam civilem peragere, sive intendant sponsalia de futuro inire, sive tandem ex igno- rantia, aut in spretum ecclesiasticarum legum intendant matri- monium de praesenti contrahere, impedimentum iustitiae publi- cae honestatis non producere. Atque ita etc.

(1) Ex causis a nobis extraneis fa- monio civili, iam per nos relatam Vol. XII ctum est, ut serius in lucem ederetur pag. 147 har. ephem. decretum quoad quaestionem de matri-