126 ROMANA

petentibus et eleemosynam offerentibus sacrificium applicare queat; » eadem S. C. quaestionem S. C. Congregationi pro congrua solutione remisit.

Iam ex enunciato dubio patet, hic quaeri an Parochus, Missionarius vel quisque alius sacerdos, rogatus ut Missam quoque celebret in exequiarum perfunctione, quin eleemosy- nam recipiat, nec de applicanda Missa exquiratur, an hic Sa- cerdos annuens postulationi et Missam celebrans teneatur etiam pro defuncto Sacrificium offerre, vel potius pro alio eleemosynam offerente, vel in suam particularem intentionem Missam applicare queat.

Disceptatio Synoptica

MISSA APPLICANDA VIDETUR. Ratio dubitandi ex ipso R i - tuali Romano provenit. In titulo enim - De Exequiis - haec habet: « Quod antiquissimi est instituti, illud quantum fieri poterit retineatur, ut Missae praesente corpore defuncti pro eo celebrentur, antequam sepulturae tradatur ». Cuius praescri- ptionis hanc fuisse mentem patet, ut Missa, praesente cada- vere celebretur, pro eo defuncto applicanda; ait enim Ru- brica « pro eo celebrentur ».

Id aliunde docet ipsa Ritus natura non enim ad pompam Missae celebrationem desiderat, praecipit Ecclesia, sed plane in bonum defuncti spirituale, in peccatorum satisfactionem particularem. Inquam particularem, si enim Ecclesia tantum exquireret fructum generalem *a quacumque Missa fidelibus vivis et defunctis derivatum, supervacaneum omnino esset instare ut Missae celebrarentur praesente cadavere; pompa enim et solemnitas augeretur, sed fructus expiatorius non augeretur sane.

Eo magis quod nimis urgenda non est ratio non accepti stipendii, non solum ne turpis redoleat avaritiae labem, sed etiam quia in eleemosynis dari solitis pro cadaveris associa- tione et exequiis, commode comprehenditur etiam congrua retributio pro Missae applicatione. - In casu enim quo Missa exequias comitetur et compleat, funebre officium quid unum evadit ex integro directum in satisfactionem defuncti, quod- que proinde una retributio et si parva, ad instar eleemosynae Sacerdoti oblata, sufficienter amplectitur.