De B. Maximo Episcopo Neapolitano 127

Neapolitana. Confirmationis Cultus ab immemorabili tempore praestiti Servo Dei Maximo Episcopo Neapolitano Sancto nuncupato.

D ECRETUM. « Quum cl me. Cardinalis Philippus Giudice Carac- ciolo Archiepiscopus Neapolitanus arbitraretur se validis monumentis demonstrare posse Servo Dei Maximo Episcopo Neapolitano Cultum publicum et Ecclesiasticum tributum fuisse ante Centenariam a sa. me. Urbano Papa VIII in suis Decretis requisitam ; eumdemque cultum in legitima praescriptione et in numquam interrupta posses- sione vigere, institit ut in Sacra Rituum Congregatione Ordinaria, habita die 12 septembris 1840 proponeretur dubium: An constet de publico et ecclesiastico Cultu ab immemorabili tempore praestito prae- dicto Servo Dei seu de casu excepto a Decretis s. m. Urbani VIII? Verum huiusmodi negotium prosperum haud habuit exitum, quem omnino parem expertum est quando anno 1859 Erînis et Rrrms Do- minus Card. Xystus Riario Sforza Archiepiscopus Neapolitanus ut illud iterum proponeretur obtinuit. At diligentiori documentorum disquisitione instituta, idem Emus Card. Archiepiscopus comperit obstaculum praecipuum, quod impediebat quominus causa feliciter absolveretur, fuisse diremptum, ideoque SSmum Dominum Nostrum Pium Papam IX humillime exoravit ut, oris aperitione concessa, causa haec tertium subiret experimentum penes Sacrorum Rituum Congregationem ; verumtamen petiit ut ob peculiares circumstantias in casu concurrentes reassumerentur in voto a R. P. D. S. Fidei Promotore exarando quae in superioribus Congregationibus expo- sita fuere et peculiaris deputaretur eiusdem S. C. in quo iudicium absolveretur.

« Quum vero Sanctitas Sua his postulatis benigne annuerit ad instantiam praelaudati Erhi Oratoris Archiepiscopi in praedicta pecu- liari Congregatione, hodierna die ad Vaticanum habita, per me infra- scriptum S. R. C. Secretarium propositum fuit Dubium: An constet de cultu publico et ecclesiastico ab immemorabili tempore praestito Servo Dei Maximo Episcopo Neapolitano, seu de casu excepto a De- cretis s. m. Urbani Papae VIII ? Sacra porro eadem Congregatio audito voto in scriptis R. P. D. Petri Minetti S. Fidei Promotoris, omnibus mature perpensis ac examinatis, rescribendun censuit: Atten- tis noviter deductis, consulendum Sanctissimo ut dignetur approbare cultum ab immemorabili tempore praestitum Servo Dei Maximo Epi- scopo Neapolitano. Die 10 iunii 1872.

« Facta postmodum de praemissis Sanctissimo Domino Nostro Pio Papae IX ab infrascripto Secretario fideli relatione, Sanctitas Sua sententiam praefatae Sacrae Congregationis ratam habens confirmare