TORNACENSIS 127

et a Monte Carmelo, ut Fideles sic recepti Indulgentias praefa-

tis Scapularibus adnexas lucrari valeant? - An potius talis

inscriptio ut congrua tantum habenda sit, ita ut absque Indul-

gentiarum iactura omitti possit?

Et quatenus affirmative ad primam partem;

II. An non opportuna foret inscriptionis dispensatio pro lo-

cis vel dioecesibus in quibus nulla habentur Monasteria Ss. Tri-

nitatis vel Servorum B. Mariae Virginis, vel Carmelitarum?

III. An non opportuna etiam foret sanatio et convalidatio

receptionum huc usque peractarum, omissa licet inscriptione,

ne fideles Indulgentiis et gratiis spiritualibus defraudati rema-

neant et scandalum percipiant?

S. Congregatio Indulgentiis sacrisque Reliquiis praeposita,

audito unius ex Consultoribus voto, praefatis dubiis rescripsit:

Ad I. Dentur Decreta in una Societatis Iesu de Confrater-

nitatibus ad Dubium IV sub die 16 Iulii 1887 (1) ; et in una Ca-

meracensi sub die 18 Augusti 1868 ad Dubium III (2); in una

a S. Congregatione de Propaganda Fide proposita sub die 26

Ianuarii 1871 ad Dubium I (3); et tandem in una Ordinis Fra-

trum Minorum Excalceatorum et Recollectorum sub die 27

Aprilis 1887 (4).

Ad II. Negative et potius omnis cura impendatur ut Confra-

ternitates erigantur Ss. Trinitatis, B. M. Virginis de Monte Car-

melo, et Septem Dolorum in una vel altera Ecclesia praesertim

(1) Habes hoc decretum Vol. XX, 108.

(2) Prostat Vol. IV, 219.

(3) En. dubium primum cum responso :

Dub. I. Utrum Sacerdos qui a S. Sede obtinuerit facultatem benedicendi Sca- pularia, habeat eo ipso facultatem ea imponendi Christifidelibus, et eosdem ad-

scribendi Confraternitatibus a S. Sede approbatis.

Resp. Ad I. Affirmative; ita tamen ut Sacerdotes qui praedictum indultum be- nedicendi Scapularia ab apostolica Sede legitime obtinuerint, penes se habeant

privatum regestum, et quamprimum commode possunt, transmittere teneantur ad

Superiores respectivae Sodalitatis vicinioris, canonice erectae, nomina receptorum,

ut in Album ipsius Sodalitatis referantur.

(4) Decretum hoc adest Vol. XIX, 556.