123. De sancta Agnete.

1. Agnes ecce progreditur
Agnoque sponso jungitur.
Cujas ingressa thalamum
Nardi profudit balsamum.

2. Agnetis ergo laudibus
Corde simul et vocibus
Insistamus alacriter
Concinentes solemniter.

3. Agneti cantant virgines
Ac innocentum ordines
Per castitatis lilium
Agnum sequentes praevium.

4. Agnetem color roseus
Exornat, dum sanguineus
In guttur ensis stringitur,
Pro morte vita redditur.

5. Agnes pia, nunc juhilas
In gaudio, quo rutilas,
Rosa simul ac lilio
Dei conjuncta filio.

6. Laus, honor, virtus, gloria
Deo patri et filio,
Sancto simul paraclito
In sempiterna saecula.