128 ROMANA

scribit quasi partem ritus nuptialis integrantem quod « Sacer- dos Missam pro sponso et sponsa, ut in Missali Romano cele- bret.... » Ecclesia vero suam obtinet intentionem ex simplici Missae celebratione, in qua ferventiores pro sponsis Deo pre- ces effunduntur et benedictiones apprecantur. Item in Missa pro defunctis Ecclesia suo nomine per ministerium Sacerdotis orat ad obtinendum fidelibus demortuis fructum satisfacto- rium et defuncti praesente cadavere, peculiares pro eodem offert in Sacrificio Missae supplicationes.

Nullus vero amplius videtur esse locus dubitationi, si animadvertatur, verba Ritualis Romani non continere prae- ceptum , ut Missa celebretur pro defuncto, eius praesente cadavere, sed simpliciter laudare morem et consuetudinem seu « Quod antiquissimi est instituti illud quantum fieri poterit, retineatur ut Missae, praesente corpore defuncti pro eo celebrentur, antequam sepulturae tradatur ».

Quibus praenotatis, quaesitum fuit quid esset responden- dum precibus.

RESOLUTIO. Sacra C. Concilii, re ponderata sub die 2 7 Aprilis 1895 censuit respondere: Negative ad primam par- tem j, affirmative ad secundam.

Ex QUIBUS COLLIGES : I. Aliud esse celebrare Missam, aliud applicare Missam.

II. Sacerdotem posse applicare fructum medium Missae pro iis a quibus eleemosynam recepit, etiam pro vivis, quam- vis nigris indutus paramentis.

III. Et ideo Sacerdos in exequiis persolvendis pro defun- cto, sicuti in celebratione nuptiarum, non obligatur applicare Missam pro eodem defuncto vel pro sponsis si ad id stipen- dium non receperit.