125. De sancto Albino.

Ad Vesperas.

1. Deus, sacrator corporum
Clarusque nitor mentium,
Fac nos piato pectore
Laudes tuas depromere.

2. Fac candidatos moribus
Tibi, pater, placentibus
Hujus diei celebri
Festivitate perfrui.

3. Quam decoravit transitu,
Auctus supernis coetibus,
Albinus, almus pontifex,
Sancta decens albedine.

4. Hic praesidens ecclesiae
Tuo benigno munere
Andegavinis civibus
Fuit patronus inclitus.

5. Sermone, signis, actibus
Praebens iter sequacibus,
Quo tenderent ad coelicam
Se praeviante patriam.

6. Cujus conceptus manibus
Inter beatos spiritus
Nunc gaudet et jugem tuae
Decantat hymnum gloriae.

7. Deo patri et filio
Cum spiritu paraclito
Aeterna laus et gloria
Immensa sit per saecula.