Ex Commissione Codificatrice

EX COMMISSIONE CODIFICATRICE

Universitates quoque Studiorum in codificationis opus concurrere debent.

Illme ac Rme Domine,

Perlegisti iam certe Litteras, quas Beatissimus Pater nuper Motu proprio edidit de Ecclesiae legibus in unum redigen- dis ( i ) . Ea quippe Sanctitatis Suae mens est, ut universum canonicum ius in canones seu articulos, ad formam recen- tiorum Codicum, apte distribuatur, eodemque tempore, do- cumenta, post authenticas Corporis Iuris collectiones prodita, ex quibus praefati canones seu articuli desumpti sunt, simul colligantur. Ordo autem servandus hic plus minusve erit: praemissa parte generali complectente titulos De Summa Tri- nitate et fide catholica, De Constitutionibus, De Consuetudine, De Rescriptis, quinque habebuntur libri : De Personis, De Sa- cramentis, De Rebus et Locis sacris, De delictis et poenis, De Iudiciis; qui tamen ordo, pro laboris a Consultoribus per- ficiendi commoditate ab initio constitutus, poterit, si pro- gressu studiorum opportunum videbitur, immutari.

Iamvero valde exoptat Summus Pontifex ut amplissima, cui Dominatio Tua praeest, studiorum Universitas in hoc ar- duum gravissimumque opus concurrat. Hinc Tibi mandat, ut ab istius Universitatis antecessoribus qui Iuri canonico tra- dendo incumbunt, petas, ac deinde mihi quamprimum refe- ras, quasnam iuris canonici partes in articulos seu canones redigere parati sint. Responso Tuo accepto, peculiaris In- structio transmittetur, qua opportunae normae, ab ipsis hac in re .servandae, eisdem antecessoribus tradentur.

( i ) Cfr. Acta S. Sedis, vol . 36, p. 549.