127. De Beata Maria V.

1. Maria, virgo nobilis,
Orta [de] stirpe Davidis,
Vera quae salus diceris,
Auxilium fer perditis.

2 a. Maria, scala caeli,
Placens summo regi,
Nobis, qui sumus rei,
Placa filium Dei.

2 b. Maria, flos virginum,
Castitatis lilium,
Quae genuisti filium,
Per nobis auxilium.

3 a. Maria, sponsa Christi,
Quae angelo credidisti
Et verbo filium concepisti,
Fac nos liberos morte tristi.

3 b. Maria, stella veri solis,
Quem spes optat Simeonis,
Quae es mater tantae prolis,
Salutem fer omnibus nobis.

4 a. Maria, stella maris,

Quem ostendit stella magis,
Cum filio deitatis
Siilva nos a peccatis.

4 b. Maria, divina sorte

Virgo virgini Christi morte
Commendata, sine sorde
Fac nos vivere, puro corde.

5 a. Maria, cuius filius

Vicit mortem surgens vivus,
Fac nos tuis precibus
Aeternis coniungi sedibus.

5 b. Maria, cuius natus

Super caelos sublimatus
Ad dextram patris est locatus,
Fac, nobis idem sit placatus.

6 a. Maria, felix puerpera,
Qua salus est edita,
Spiritus sancti gratia
Nos accendi impetra.

6b. Mariae, virgini matri,
Et individuae trinitati
Sit laus, honor, gloria
Per infinita saecula.