129. Litania Omnium Sanctorum.

1. Summo pater, sancte Deus,
Nunc te precor ego reus,
Pie mei miserere,
Ut digne queam deflere,

Quod commisi nequiter.
Si vis, potes me mundare,
Sine te non possum stare
Sed neque ad te transire,
Nisi mihi subvenire

Digneris celeriter.
2. Jesu Christe, verbum patris,
Qui carnem de carne matris
Homo factus induisti
Atque propter nos obisti

Crucis in patibulo,
Tuae, precor, memor mortis
Mihi sis adjutor fortis
Ac dono tuae virtutis
Auctor meae sis salutis
In omni periculo.
3. Amborumque pneuma sacrum,
Esto mihi nunc lavacrum,
Peccatorum sordes mundans
Atque meum cor fecundans

Spiritali gratia.
Si me laves, mox mundabor,
Nisi sanes, non sanabor,
Si non donas me mundare,
Nequidquam possum laudare

Deum cum fiducia.

4. Tu, qui trinus in personis,
Indivisus es in donis,
Unus es in deitate,
Deus pater, flamen, nate,

Unus in substantia,
Mentis meae pravitatem
Regens duc ad veritatem
Fidei, spei, amoris,
Totum me eoelestis roris
Replens abundantia.

5. O Maria, stella maris,
Virgo mater singularis,
Speculum virginitatis
Et totius trinitatis

Nobile triclinium ;
Ova pro me, virgo pia,
Ut in hujus vitae via
Conversando sic incedam,
Ut non incidam in praedam

Hostibus fidelium.
C. Chori novem angelorum,
In Sion Deum deorum
Contemplando qui videtis
Et in ejus congaudetis

Jugiter praesentia,
Ipsum, precor, exorate,
Ut pro sua pietate
In me lavet, quidquid sordet,
Et remittat, quod remordet.

Tristem conscientia.

7. Johannes, baptista Christi,

Qui vocem patris audisti,

Ut vidisti descendentem

Spiritum clare nitentem

In columbae specie,
Ipsum ora baptizatum,
Ut peccatis emundatum
Me post temporalem mortem
Esse faciat consortem

Coelestis laetitiae.

8. O vos proceres bis seni,
Spiritali musto pleni,
Signis, factis et doctrina
Sacramenta qui divina

Edidistis libere,
Pro me ferte preces pie,
In illa tremenda die
Quando judex est venturus
Pius bonis, malis durus,
Justo reddens munere.

9. O vos sancti Christi testes
Qui vestras lavistis vestes
In hujus agni cruore,
Mundum qui suo livore

Sanavit feliciter,
Vos nunc in conspectu Dei
Memores estote mei,
Ut post hujus vitae cursum
In coelum ascendam sursum

Ad lactandum jugiter.

10. Omnes sancti confessores
Quorum vita, verba, mores
Hic Christus sic approbavit
Et vos secum collocavit

In coeli palatio,
Ne seductor animarum
In hac valle lacrimarum
Me in ulla parte laedat,
Pro me, precor, intercedat
Vestra supplicatio.

11. Cum decore virginali
Fide Christo spiritali
Quae ferventer adhaesistis
Et in ejus introistis

Gaudenter potentias,
Vestra prece pro me state,
Ut ipsius largitate
Conferatur mihi segni,
Ut apertis portis regni
Gradiar ad nuptias.

12. Omnes sancti cives coeli,
Precor mente vos fideli,
Qui cum Christo jam regnatis,
Ut meae calamitatis

Memores miseriae
Oretis pro peccatore,
Ut a Leviathan ore
A peccatis absolutus
Ex hac valle Vadam tutus

Ad tribunal gloriae.