l 3 2 Appendix II.

3. Facile intelligitur, impossibile esse sententiam ferre,, nisi processus rite confectus fuerit, et notitiae necessariae fuerint collectae, et consequenter quam grave munus sit eo- rum qui in huiusmodi processibus conficiendis operam dant, ut omnia rite et complete peragant, ne ex eorumdem defe- ctu, aut gratia denegetur, aut saltem differatur cum gravi animarum dispendio.

4. Quare utile opus facturos existimamus, praesertim in commodum Curiarum Ecclesiasticarum, una simul colligendo quae sive in Actis Pontificiis et Sacrarum Congregationum instructionibus et decisionibus, sive in probatis Auctoribus de huiusmodi dispensationibus habentur.

5. Ut ordine aliquo procedamus, tractationem sub duplici comprehendemus parte, in quarum prima considerabimus po- testatem in seipsa, in altera vero in suo exercitio.

P A R S P R I M A

DE POTESTATE IN SE SPECTATA

6. De hac tria inquiremus scilicet :

§ i. an sit, seu de eius existentia; § 2. quid sit, seu de eius natura; § 3. in quonam sit, seu de eius subiecto.

§ i. De existentia potestatis.

7. De potestate in Ecclesia dispensandi super matrimonia rata et non consummata, inde a suo tempore scribebat LAM- BERTINI, dein BENEDICTUS X I V , tunc cum a secretis erat S. Cong. Concilii: « nulla est in foro et in praxi disputatio, et sola controversia reduci consuevit ad causam, an adsit vi- delicet causa sufficiens pro tali dispensatione concedenda, et