DUBIUM.

1. Sed videtur hoc esse falsum : quia mansuetudine componitur corpus vel quietatur : sed visio Dei est perfectio animae : ergo videtur, quod non debeatur mansuetudini visio divina.

2. Praeterea, Matth. v, 8, promittitur visio mundis corde, mitibus autem possessio terrae : ergo non debetur mansuetis divina visio.

Sed dicendum, quod in anima (cum sit simplex) non est aliqua differentia ex ipsa, sed tantum ex corpore, cujus turbatione turbatur anima : et ideo ad compositionem vel quietem corporis, sequitur quies in anima, et fit potens ad intelligendum, sicut dicit Philosophus, quod in sedendo, et quiescendo, id est, in residentia et quiete humorum fit anima prudens et sciens. Et ideo dicimus, quod mansuetudo est dispositio remota, ad visionem Dei praeparans animam per compositionem corporis sive quietationem : sed cordis munditia est propinqua. Et per hoc patet solutio ad objecta,