129. De Beata Maria V.

1. Sancta genetrix Christi victoris,

2 a. Davidica stirpe nata,
precibus semper emunda

2 b. Nos, ut digne te laudemus,
moribus sanctis exorna.

3 a. Praeconum te, sanctissima,
omnium

vox clara manifestat;
suspiramus,
ut meritis tuis iuvemur.

3 b. Te divina clementia
hominum

signavit pacis metam
atque tibi
mundissimae obtemperavit,

4 a. Ut per te vitam
lucis et gaudia
percipiamus,

4b. Qua fulget sacra,
gaudet laetissima
cohors sanctorum.

5 a. Tu, quae fidei
ordinasti aciem,
fac nos cernere
redemptoris faciem
post mortis articulum.

5 b. A nequitia

nobis hostis fortiter
pelle, (te) poscimus,
simus ne novissimo
tempore spectaculum.

6 a. Placata,

nos, mater pia,

semper invisere dignare,

Et iustum, dia,

prece tu iudicem mitiga.

7 a. Ut agni candida
stola dignissima,

7 b. Quem tuo utero
mundo pepereras,
nos velit induere;

8 a. Ut sanctis simul omnibus
dignos associet,

8 b, Ut ipsum contemplemur nunc
et in perpetuum

9. Te duce, virgo Maria.