NEAPOLITANA 1 3 3

evangelico textui accommodata, idque sub poena nullitatis con- cursus? 2. an revera ad factum quod spectat, R. D. Ioseph Contarini conciunculam non exaraverit iuxta propositum te- xtum evangelicum?

Consultor ideo quaesivit: L An in concursibus ad vacan- tes Ecclesias parochiales, conciunculà ita absolute et sub- stantialiter necessaria sit, ut , ea omissa, vel non exarata iuxta evangelicum propositum textum, per hoc solum, con- cursus utpote irritus et nullus habendus sit?

Et in primis fateor, ait, me semper in ea opinione fuisse, quod nullimode requiratur in parochis, ut expeditam habeant Dei Verbi praedicandi facultatem, cum neque explicite, neque implicite hoc in ipsis requiratur a Tridentino.

Et quidem, quod Tridentinum explicite non requirat in parochis expeditam Dei verbi praedicandi facultatem ex eius- dem verbis apertissime deducitur. Quoties enim loquitur Concilium de examine subeundo a concurrentibus ad vacan- tes paroecias, toties idoneitatem experiendam dicit quoad aetatem, mores, doctrinam, prudentiam, aliaque ad vacan- tem ecclesiam gubernandam opportuna, nullo speciali facto verbo de idoneitate ad praedicandum evangelium Christi.

Scio equidem Concilium Tridentinum requirere, ut paro- chi diebus, saltem Dominicis et festis solemnibus plebes sibi commissas pro sua et earum capacitate pascant salutaribus verbis; Sess. 5. De ref or, c. 2. Scio pariter non deesse auctores, et quidem gravissimus, qui docent, parochos, nisi fuerint legitime impediti, teneri id praestare per seipsos, ita ut graviter suo muneri deficerent si per annum id aliis committerent.

At quomodo haec intelligenda sint explicant provincialia illa Concilia, quae statim post Tridentinum celebrata fuerunt eo praesertim fine, ut quae a sacrosancta synodo sancita fuerant in praxim redigerentur.

Hinc examini subdit Concilium Provinciale mediolanense 1. in quo, praeside s. Carolo Borromeo, post prolatum Con- cilii Tridentini decretum de concionibus a parochis habendis,