134. De sancto Arinagilo.

Ad Laudes.

1. Exaltemus exaltatum
In supremo culmine,

Veneremur veneratum
Et devoto carmine,

Deo datum, praesignatum,
Ut patet ex nomine.

2. Armagilus arma gerens
Nuncupatur proprie,

A primaevo regi haerens
Caelestis militiae,

Miles acer semper gerens
Arma paenitentiae.

3. Te rogamus, arma gere
In occursum hostium,

Nos vexantes hostes tere,
Tu, nostrum praesidium,

In succursum nobis quaere
Iesum, Dei filium.

4. Hostes nostros qui confundit
Huius sancti merito

Et in nobis sic infundat
Gratiam, ut merito

Stipendia mereamur
Caeli cum emerito.

5. Cui mortem nuntiavit
Rex caelestis patriae,

Hunc amavit, hunc ornavit
Stola suae gloriae

Et ad portam coronavit
Paradisi hodie.

6. Pro concive est laetata

Tota caeli curia,
Cuius morte desolata

Doluit Britannia,
Post dolorem consolata

Pro ipsius gloria.

7. Summo regi laudas demus.