130. De Beata Maria V.

1 a. O beata beatorum,

virginum sanctissima ;

1b. O devote recolenda

laudum [paer] sollemnia.

2 a, Digna, dignis fulges signis
Et flores virtutibus.

2 b. Hinc te semper condecenter
Veneremur laudibus.

3 a. Fide, voto, corde toto
Gabrielis nuntium

3 b. Credidisti, genuisti

Salvatorem omnium.

4 a. Carcerati, trucidati
In valle miseriae

4 b. Suspiramus et clamamus
Ad te, matrem gratiae.

5 a. Dum sint torti vel absorpti
Propinando vitiis,
Ut erepti et adepti
Per te reviviscimus.

5 b. Fac contemptum mundanorum

Nos habere iugiter

Et in choris angelorum

Vivere perenniter.

6 a. Virgo, mater Christi facta
Es, ut in caelestibus

6 b. Apud Christum vota nostra
Promoveas precibus,

7 a. Ut post huius finem vitae
Per tua suffragia

7 b, In perenni mereamur
Exaltari gloria.