131. De Omnibus Sanctis.

1. Ave, summa trinitas,
Omnis per te sanctitas

Mihi Largiatur,
Ave, virgo virginum,
A me per te criminum

Culpa deleatur.

Virtus mihi Michael,
Gabriel et Raphael,

Per vos dirigatur,
Per cunctosque spiritus
Divos mihi coelitus

Salus augeatur.

2. Ave, apostolica
Cohors et prophetica

Et patriacharuni ;
Adsit quoque medicus
Chorus et theoricus

Evangelistarum,
Adsint et discipuli,
Contemptores saeculi

Et rerum cunctarum,
Omnes pro me fundite
Preces et me cingite

Donis gratiarum.

3. Ave, innocentium
Turba morientium

Pro Christo, beata
Turba, ave, niveo
Candore et rubeo

Martyrum ornata.
Per vestra martyria
Mater est ecclesia

Pulchre purpurata,
Pro vestra victoria
Mihi dentur gaudia

In coelis optata.

4. Ave, o pontificum
Cohors et mirificum

Agmen monachorum,
Adsint eremicolac
Et omnes deicolae

Legis confessorum ;
Occurrant et virgines,
Viduarum ordines

Et conjugatorum,
Omnes me attendite,
Pro me preces edite

Principi coelorum.

5. Ave, turba omnium
Civium coelestium,

Qui regnant cum Deo;
Propter mea vitia
Ad vestra suffragia

Supplex ego fleo,
Pro me intercedite
Placatumque reddite

Deum mihi reo,
Sim in coeli solio
Vobiscum in gaudio

Et cum Jesu meo.