NEAPOLITANA 135

Perperam opponi , aliter agi non posse eum Amalia , quippe quae ab alio viro comprimi passa est, quandoquidem cum constet Gherardum et Amaliam iuventa florentes sex circiter menses concubuisse ; cum ex unisono medentium , qui utriusque corpora explorarunt, testimonio nullum extet impotentiae sive absolutae, sive relativae vestigium, actio Gherardi respuenda est, quoniam incidit in casum, a quo in- cipere non poterat. Oompertissimum enim est non admitti matrimonii inconsummationem, nisi probetur vel 1. coniu- gum, sive coniugis impotentia; vel 2. coarctata* h. e. eos- dem nunquam fuisse solum cum sola, vel 3. mulieris vir- ginitas. Animadvertit insuper quod cum Amalia non nisi octavo anno a maritali dissidio Franciscum S. osculata est, Gherardus per octo annos in promptu habuisset argumentum in themate unicum, necessarium ad ostendendam matrimonii inconsummationem. Eccur , petit defensor , ipse per totum illud tempus siluit, et non nisi postquam impune simulare poterat, per se non stetisse quominus Amalia virgo perman- serit, initio anni 1875 actionem de matrimonii inconsum- matione expertus est ?

Gradum deinde faciens ad depositiones testium cribran- das, contendit testes ab Amalia inductos a veritate aber- rare, ideoque ipsis credendum haud esse, cum eorum testi- monia egregie inter se pugnent. Profecto, ait, nonnulli re- ferunt parentes Amaliae, a quibus assertae impotentiae no- titiam hauserunt, non nisi post Gherardi discessum cogno- visse impotentiam generi, nonnulli vero deponunt, quod pa- ter Amaliae, antequam Gherardus discederet, operam frustra impenderat, ut iste convalesceret. Cum absurdum sit , ut parentes Amaliae sciverint eodem tempore et ignoraverit Gherardi impotentiam, necessario consequitur vel testes, vel ipsos parentes, a quibus, quae narrant acceperunt, mentitus fuisse. Eo vel minus Gherardi impotentiam ostendi posse ur- get a testibus ab ipso inductis, ipsi enim nedum huiusmodi impotentiam, verum etiam obiectam matrimonii inconsum- mationem inter fabulas amandandas esse censent.