132. De Beata Maria V.

1 a. Salve, Maria beata,
De superno sinu nata,
Virga Iesse florida;

1b. Salve, rosa sine spina,
Aegrotorum medicina,
Stella fulgens, rorida.

2 a. Salve, turtur sine felle,
Vas imbutum pacis melle,
Vera datrix gloriae;

2 b. Salve, vellus ferens grate
Sunamiti condemnatae
Purgamenta scoriae.

3 a. Salve, nardus aromati
Balsamenta dans optati
Paridisi rivulis

3 b. Salve, [tu] cedrus Libani,
Iosaphat in valle vani
Praeter te sunt hinnuli.

4 a. Salve, thronus fixus caelo,
Phlegetontis nos a velo
Muni, cara, Domino;

4 b. Salve, sidus fulgens polo,
Te nunc pronus supplex colo,
Mariam te nomino.

5 a. Salve, quae divino cultu
Es stipata, divo vultu,
Angelico habitu:

5 b. Salve, quae caelesti datu

Salutaris cum adfatu

Munere gratuitu.

6 a. Salve, tu reclinatorjum,
Viatorum [refrigerium],
Spes, salus ac solamen ;

6 b. Salve, nobile triclinium,
Flos [florum], odor et lilium,
Nobis sis sublevamen.