136 Decreta

poribus exaltaretur. Nunc enim pravi homines, inito foedere cum potestate tenebrarum, saevissimum exercent bellum adversus Domi- num eiusque Ecclesiam, ut nomen Dei non memoretur amplius et haereditate possideant Sanctuarium eius. Interim selectissima Eccle- siae membra divexantes, Ordinem Sacerdotalem et Regulares Fami- lias bonis exturbare et disperdere intentant. Ad id facilius assequen- dum turpissimas calumnias de eorum vitae ratione in vulgus spargunt, ut omnium peripsema habeantur. Verum Deus, qui congruam tem- poribus adhibere solet medicinam, ad eorum perfidiam confundendam, erexit de stercore pauperem hunc Seraphici Francisci filium, eum- que supernis charismatibus ditavit. Post eius obitum eximia Vene- rabilis Caroli sanctitas etiam prodigiorum testimonio confirmata fuit. Quorum duo ad gravissimam Sacrorum Rituum Congregationis disqui- sitionem semel--iterumque et tertio proposita fuere, scilicet in Ante- praeparatorio Conventu in aedibus Rrhi Cardinalis cl. me. Ludovici Altieri, tunc Causae Relatoris, undecimo Kal. Martias anni MDCCCLXVII coacto : deinde in Consilio Praeparatorio Reverendissimorum Cardi- nalium Sacris tuendis Ritibus praepositorum in Palatio Apostolico Vaticano decimonono Kal. februarias an. MDCCCLXVIII habito: demum in Generalibus Comitiis coram SSmo Domino Nostro Pio Papa IX tertio Kal. augusti anni vertentis collectis, in quibus a Rrho Cardi- nali Ioanne Baptista Pitra Causae Relatore, proposito Dubio : An, et de quibus miraculis constet in casu et ad effectum de quo agitur ? » tum Consultores, tum Rmi Patres Cardinales in affirmativam ivere sententiam. Suffragiis perpensis, Sanctitas Sua noluit illico suam pan- dere mentem, sed preces indixit ad impetrandum lumen a Patre luminum.

« Tandem statuit suum proferre iudicium in hac die Assumptione Deiparae sacra. Quapropter, prius salutari Hostia in Sacello Xystino Palatii Apostolici Vaticani devotissime oblata, ad se accivit Reve- rendissimum Cardinalem Ioannem Baptistam Pitra Causae Relatorem, una cum R. P. Laurentio Salvati, Sanctae Fidei Promotoris Coadiu- tore, et me infrascripto Secretario, iisdemque adstantibus, edixit : Con- stare de duobus miraculis Ven. Servi Dei Caroli a Setia, nempe de prodigioso signo enato in sinistro Ven. Servi Dei latere post eius obitum: et de instantánea perfectaque sanatione Angelae Marzolini a cancro scirrhoso uteri exulcerato.

« Decretum huiusmodi publici iuris fieri et in Acta Sacrorum Rituum Congregationis referri mandavit. Decimooctavo Kal. septem- bris anni MDCCCLXXII ».

C. Card. PATRIZI, Episc. Ostien. et Velitern., S. R. C. Praef.

Loco Signi D. Bartolini, S. R. C, Secretarius*