Scholium.

Tres modo; relativorum assignatos a Philosooho sufficienter es e traditos, et solvit tria argumenta prima contra hoc adducta.

Ad quaestionem in generali, dico quod distinctio conveniens est. Ubi notandum quod quamvis relationes, sicut alia, habent distinctiones specificas secundum proprias differentias, tamen quia latent nos, accipimus distinctionem earum per fundamenta, ex quibus innotescit distinctio relativorum, sive relationum, scilicet effective, sive materialiter.

Ad argumenta in communi. Ad primum, nego consequentiam. quia non solum est ibi verum, sed in aliis, quia res in aliis generibus, sicut unitas potest fundari in ratione cujuscumque generis, et ratio tacta est; tamen quia illa fundamenta non habent ali. quid, in quo conveniunt quod praedicatur de eis in quid, ideo non conveniunt genere, sicut relationes conveniunt in hoc, quod est habitudo ad aliud, et ideo sunt unius generis omnes. Tunc dico, quod super duo distincta generalissima potest fundari relatio ejusdem speciei: et cum accipitur quod accipiunt speciem a fundamentis, verum est, distinctio tamen non est tanta in relationibus, sicut in fundamentis, sicut anima et vermis distinguuntur inter se, non tamen tantum sicut Sol producens vermem effective, et Deus creans animam. Vel potest negari acceptum, quod non omnes relationes habent distinctionem a fundamentis, vel terminis.

Ad Philosophum scilicet quod 8. dicuntur dupla, etc. dico quod hoc non est quia dualitas est proprium fundamentum et primum dupli, ita quod non possit fundari in alio, sed formaliter inest sibi dupleitas, per bis continere aliud ; unde non est verum fundamentaliter, quod sunt scilicet 8. dupla dualitatis proportione, sive ratione, sed formaliter magis per hoc quod 8. bis continet 4. sicut duo unitatem bis. Ad aliud, quod antecedens est falsum, cum cadant vel reducantur ad aliquem illorum, et cum accipitur de genere, dicitur quod illa quae referuntur ratione generis, non referuntur primo, sed solum per se, et omne relativum secundum genus refertur secundum aliquem illorum trium modorum, sed non primo unde non referri negat referri primo secundum aliquem istorum modorum, et non negat per se referri.