137

CAPUANA

PENSIONIS

Die 11 Aprilis 1891. Sess. 24 c. 18 De reform.

COMPENDIUM FACTI. Raphael Sacerdos dum parochus erat S. Bartholomaei civitatis Capuanae ita actus fuit a scrupu- lis ut pene amens fieret.

In hoc rerum statu iterum iterumque institit, ut a pa- roeciae cura sublevaretur, et, teste Emo Archiepiscopo, sci- mus, eum professum esse contentum futurum, si exaudie- tur, simplicis alicuius sacri patrimonii, quod in Dioecesi est lib. 170, vel alicuius pensionis, in abdicatam paroeciam, quae esse poterat circa 300 libel.

Porro tunc temporis in ecclesia S. Marcelli, quaedam vacaverat capellanía, quae curata vocatur, sed nomine te- nus ; nam reapse unicum eius curae onus est missa pro po- pulo semel in mense : nihilominus cum ex hoc titulo a con- fiscatione immunis evaserit, suo adhuc censu ditatur, purga- tarum nempe libellarum 2000 circiter iuxta Curiae regesta, aut 1840 iuxta denunciationem olim fisco factam, aut etiam minus, si sacerdotem Raphaelem audias. Quidquid sit, investi- te hoc beneficio eo honore gaudet, ut in coetu parochorum civitatis connumeretur, et perinde ac ceteri parochi titulum et insignia canonicorum assumere legitime possit.

Censuit itaque Emus Archiepiscopus optimum se factu- rum si hoc beneficio sacerdotem Raphaelem investiret, eum a paroeciae regimine relevando. Res placuit sacerdoti Raphaeli; et ideo die 27 Februarii 1888 litterae collativae beneficii de more expediebantur. At in his onus investito praefiniebatur « persolvendi annuam pensionem 700 libellarum omnibus oneribus immunem* quam ex facultate per S. Sedein no- bis* ait Emus Praesul, facta* reservamus favore clerici vel clericorum quos nominabimus. »

Paulo post, nempe die 6 Martii 1888, pensio super re-