137

MELE VITANA

IURIS ELIGENDI PROCURATORES

Die 27 Aprilis i895. Sess. 13 cap. 2 de Reform.

COMPENDIUM FACTI. Ecclesia S. Helenae Imperatricis in oppido Birchircara Melevitanae dioecesis, ad instantiam Phi- lippi Borg, huius Ecclesiae Parochi, an. 1630 ab Urbano VIII Summo Pontifice, praevia Parochialis Ecclesiae perpetua sup- pressione ac extinctione in collegiatam erecta fuit, tredecim coalescens praebendis, nempe praepositura et duodecim cano- nicatibus , eidem omnimodae exemptionis ab Ordinario loci collato privilegio.

Pro animarum cura, in Collegiata Ecclesia instituta fuit Vicaria perpetua, a praebendis canonicalibus distincta, in qua institueretur presbyter saecularis ipsius Parochialis et Collegiatae Ecclesiae perpetuus Vicarius.

Harum Litterarum executioni non parvae obstiterunt dif- ficultates, donec post varias contentiones, S. Romana Rota decisione 9 Decembris 1637 declaravit, Pontificiam Consti- tutionem quoad exemptionem a loci Ordinario non esse exe^ cutioni de mandandam.

Collegiata taliter instituta, aliae subortae sunt lites ca- nonicos inter et Vicarium, circa Ecclesiae administrationem et praeeminentiarum iura; quas ad auferendas contentiones, prouti narrat Benedictus XIV in Bulla In Supremo Apo- stolatus, conventio, Episcopo mediatore, inita fuit anno 1687, qua Vicarii praebenda ad dignitatem evecta Archipresbyte- ratus , in Capitulum fuit cooptata, concessa praeeminentia super simplices canonicos. Innocentius XII motu proprio transactionem confirmavit, unde plenum habuit vigorem.

EX S. CONGREGATIONE CONCILII