134. De Beata Maria V.

1. Ave, Maria, virgo sanctissima
Et omni laude dignissima.

2 a. Ave,

spiritus sancti nobile
sacrarium;

2 b. Ave,

imperatrix angelorum
et hominum.

3 a. Ave, stella matutina
Et mundi regina,

3b. Quae sola digna fuisti
Esse mater Christi.

4 a. Tu trinitatis

es triclinium
Et humanae salutis
initium ;

4 b. Tu peccatorum
es advocata,
Omnibus virtutibus
adornata.

5 a. Te, virgo Maria,
Salutavit vox pia
Nuntii caelestis,

5 b. Quem rex angelorum
Ad te, sidus caelorum,
Misit de superis.

6 a. "Ave", inquiens,
"gratia plena,

Dominus tecum,
virgo serena,

Gloriosissima
semper permanes

Inter mulieres".

6 b. Hoc Ave, virgo
immaculata,

Dum audisti, es
valde turbata;

Sed, ut credidisti,
mox concepisti

Salvatorem mundi.

7 a. O nimis beata,
Quae solo verbo
exstitisti fecundata!

7 b. Concepisti Deum,
Virgo intacta,

paris, lactas, nutris eum,

8 a. Quisnam audivit
tam magnalia,
Ut gigneret
parentem filia?

8 b. Haec perpetrata

sunt pro homine,
Ut immunis

esset a crimine.

9 a. Salve, virgo, eaeli porta,
Per te nobis salus est orta;

9 b. Salve, mater pietatis

Et supernae lux civitatis.

10 a. O virgo christifera,
Vitis fructifera,
Quae nulli homini pietatis
avertis viscera:

10 b. Mediatrix hominum,
Ablutrix criminum,
Quae genuisti filium, qui est
salus humilium.

11a. Hanc ergo voce pia
Mater ecclesia

Veneratur suppliciter,

11b. Ut eius interventu
Caelesti conventu
Adunetur perenniter.

12. O virgo pia,
O dulcis Maria,

Peccatorum terge cuncta crimina,
Iustorum spes et gloria.