135. De Omnibus Sanctis.

1. Ave, numen, verum lumen,
Summumbonum, tenens thronum,

Rex aeternae gloriae,
Qui es trinus et non minus
Deus unus, da hoc munus,

Tollas zima scoriae.

2. Eja Deus, Deus meus,
Me dignare visitare

Atque benedicere,
Promovere et fovere,
Conformando ac salvando

In meque adspicere.

3. Me convertens et avertens
Pestem diram, omnem iram,

Summa, vera trinitas,
Fac me tibi hic et ibi
Gratulari, collaetari,

Simplex una deitas.
4. Me, o Jesu, tui esu
Tisque truce morte cruce

A malis eripias,
Tua arma mihi parma
Sint et scutum, flos virtutum,

Tandem me suscipias.

5. O Maria, mater pia,
Parens Dei, mater spei,
Sanctorum sanctissima,
Me curando, consolando
Praemunire, custodire
Digneris piissima.

6. Turma cuncta Deo juncta,
Sempiterno in superno

Mihi sis propitia,
Tuis alis me a malis
Protegendo, comprimendo

Hostes, tolle vitia.

7. Atque tecum ut tu secum
Me dignare tunc regnare,

Qui et suis largiter
Post hanc vitam hic finitam
Multa donat et coronat
Laurea perenniter.