135. De Beata Maria V.

1 a. Mater Christi atque virgo,
Fons salutis et origo,
Tu nostra redemptio ;

1b. Angelus, cum salutavit,
Te virginem informavit,
Quod virtus Dei flavit.

2 a. Tu, quae Christum genuisti,
Circumcisum doluisti
Et amissum invenisti

In templo, mater, natum.

2 b, Hunc Iudaeis iam traditam,
Corpus eius denudatum,
Oculis tuis oblatum
Dolebas, virgo, gratum.

3 a. Ita cruci affigitur,
Per impios deluditur
Et pro nobis moritur.

3 b. Anima tua pungitur,
Cum filius deponitur,
Et planctu sepelitur.

4 a. Stabas, virgo dolorosa,
Iuxta crucem lacrimosa ;
Ergo, mater gloriosa,
Adiutrix copiosa,

4 b. Pacem confer, finem bonum,
Malum pelle et da modum
Ita spernere mundanum,
Ut amemus caelica.

5. Per dolores, quos tulisti,
Lava sordes choro isti
Et perduc ad thronum Christi,
Vrgo mater, Maria.