142.

1. Mira dies oritur,

Mirum est, quod nascitur,

Miramur,
Mirum opus agitur,
Mirum festum colitur ;
Quapropter ecclesia
Frequentet solemnia
Admirando studio.

2. O mirum mysterium,
Mirum est consilium,

Mirandum,
Nasci Dei filium
Pro salute gentium,
Quaeque non operuit,
Virgo virum genuit
Admirando studio.

3. O mira clementia,
Nova datur gratia,

Miranda
Et Dei potentia,
Qui gubernat omnia,
Qui promissum filium
Misit in exilium
Pro mundi remedio.

4. Miro modo superi
Mirantur, et teneri

Mirari
Debent omnes pueri,

Natus est de virgine
Natus sine semine
De utero filius.

5. Miro modo gaudeo,
Mirantur ex studio

Mirando,
Psallat cum tripudio,

Natus est de virgine,
Natus sine semine
Ex utero filius.