Sermo IX .

Item, sermo fratris Bonaventurae Fratribus Parisius, in Capitulo.

Surge, illuminare, Ierusalem, quia venit lumen tuum, et gloria Domini super te orta est, Isaiae sexagesimo .

Sacer Isaias, supermentaliter elevatus, in verbis istis hortatur populum Dei ad quatuor in hac praesenti solemnitate: primo, ad naturae lapsae salutares c onatus , cum dicit: Surge; secundo, ad supercaelicae sapientiae luciformes occursus, cum dicit: illuminare, Ierusalem; tertio, ad desideratae Verbi incarnati praesentiae felices contuitus, cum dicit: quia venit lumen tuum; quarto, ad gratiae evangelicae oblatae omnibus suaves amplexus, c um dicit: et gl oria Domini super te orta est.

Circa omnia notandum, quod in ista celebritate solemni vere debemus surgere per devotionem, et illuminari supermentaliter ex praesentia Christi nati et manifestati et adorati: ad visum summae elegantiae sive pulcritudinis sub ratione splendoris aeterni in eo existentis; Ecclesiastici quinquagesimo primo : In sapientia eius luxit anima mea, et ignorantias meas illuminavi.

Ad auditum summae harmoniae sub ratione Verbi increati ab eo proderatis; Apocalypsis decimo octavo : Terra illuminata est a gloria pius.

Ad gustum summae dulcedinis sub ratione sapientiae comprehendentis utrumque, Verbum scilicet et splendorem, ab eo procedentis; Psalmus: ''Domine, in lumine vultus tui ambulabunt et in nomine tuo exsultabunt tota die.

Ad odoratum summae fragrantiae sub ratione Verbi inspirati in corde ab eo emanantis; Psalmus: In lumine tuo videbimus lumen. ''

Ad amplexum summae laetitiae sive suavitatis sub ratione Verbi incarnati in eo permanentis ; Lucae primo: Illuminare his qui in tenebris et in umbra mortis sedent, ad dirigendos pedes nostros in viam pacis.