QUAESTIO II.

Utrum (a) ultimus finis habeat tantum unam rationem fruibilitatis, an in ipso sit aliqua distinctio, secundum quam voluntas possit eo frui, secundum unam rationem et non secundum aliam ?

Alens. 1. part. q. 68. m. 5. art 6. sig. 3. et 2. part. quaest. 4. m. 1. D. Bonav. 3. d. 14. art. 1. q. 2. Richard. art. 1. q. 4. Henric Quodlib. 2. quaest. 2. ei 7. et Quodlib. 13. q. 1. D. Thom. 1. p. quaest. 12. art. 8. et 2. 2. quaest. 2. art. 8. ubi Cajet. Capreol. 1. d. 27. q. 2. art. 1. ad 8. Ferrar. 1. contra gentes, cap. 53. sig. Quinta est, et 3. contra gentes, cap. 56. sig. Pro solutione. Cajet. 1. p. quaest. 27. art. 1. ad dub. 3. Suar. 1. p. tract. 1. lib. 2. cap. 22. et 23. Scot. 1. d. 2. p. 2. q. 1. sig. Sed hic restat. num. 41. et d. 8. q. 4. et alibi passim, agens de distinctione in divinis, vide dist. 33. ubi cito multos de eadem agentes et consequenter agunt de hac quaest. Vide Scotum de primo princ. cap. 4. concl. 10. Baccon. 1. d. 1. q. 2. Mayron. 1. d. 1. 9.6.

Et quod (b) sit in eo talis distinctio, probo, quia 1.Ethic cap.7.Am- plius autem quia bonum aequaliter dicitur

entis etc.dicit Philosophus et Commentator, quod sicut ens et unum sunt in omni genere, ita et bonum, et specialiter ibi loquitur de relatione: ergo relatio habet propriam bonitatem, igitur et propriam fruibilitatem, et per consequens cum sit ipsa in Deo alia et alia, erit in Deo alia et alia ratio fruibilitatis.

Praeterea (c) sicut unum convertitur cum ente, ita et bonum; ergo cum transferantur ad divina aequaliter transferentur: ergo sicut unum est ibi essentiale et personale, ita bonum et bonitas ; sicut igitur in Deo sunt tres unitates, sic et tres bonitates, et per consequens habetur propositum.

Praeterea (d), actus non terminatur ad objectum inquantum numeratur, nisi objectum ut est formale objectum numeretur: sed actus fruendi terminatur ad tres personas inquantum tres: ergo objectum fruitionis, inquantum objectum formale, numeratur. Probatio minoris, credimus in Deum inquantum trinus agitur videmus Deum inquantum trinus, quia visio succedit fidei secundum totam ejus perfectionem: ergo fruemur Deo inquantum trinus.