140 Matrimonii

« cedenti impotentia perpetua per inspectionem corporum a

« sacris canonibus demandatam, aut est certa, evidens et

« indubia, tunc statim matrimonium declarandum est nullum

« absque triennali experimento cum coniugum iuramento ». In

facto enim nedum triennium sed sexennium adfuit.

Neque officit quod coniuges per sex annos tacuerint ex

sententia Schmalzgr. lib. 4 tit. 15 n. 74, Cosci loc. ult. c. 2

n. 33 « constito, per inspectionem corporis mulieris, de eius

« virginitate, nihil interest, an ipsa intra bimestre reclamaverit,

« quia post multos etiam annos reclamare et viri impotentiam

« allegare potest ». Exempla autem admissae nullitatis, utut

post multos annos reclamatae, adsunt apud Rotam et S. Con-

cilii Congregationem.

D E F E N S I O V I R I . Huius defensor exhibuit in primis fidem

trium salutaris artis Professorum, qui autumarunt Comitem

aptum carnali copulae perficiendae; et atrophiam haud per-

spexerunt in eo. Requisiti iidem Professores an admitti pos-

sit impotentia relativa, quam pati autumat virum erga pro-

priam uxorem, retulerunt: cum certitudine respondi nequit

ex medicinae datis, utcumque haec dari possit perpetua et

insanabilis erga datam personam ob peculiares physicas cir-

cumstantias.

VINCULI MATRIMONIALIS V I N D E X . Exurgens iste adversus

utriusque coniugis thesim, impugnavit viri impotentiam tum

absolutam tum relativam, nec non mulieris virginitatem. Prae

primis animadvertit quod etsi perampla fuerit dispensatio ex

audientia SSmi : a confectione canonici processus, tamen non eo

tendit ut aliquid veritas detrimenti sentiat. Dispensatio enim

pro usu tantum actorum civilium data fuit ad effectum cogno-

scendi et definiendi causam. Quapropter actus ipsi tantum attendi

debent, quanti per se valeant. Et quum unus actus qui iudicio

tribunalis ecclesiastici fundamentum praebuit, sit peritia iudi-

cialis, haec ad examen vocari debet.

Duo periti admittunt utramque impotentiam ; absolutam in

viro, relativam in foemina. Retulerunt virum impotentem ex