129. De beata Maria V.

1. Gratulentur

musici, carminis
Prorumpant voces
in laudem virginis
Mariae gloriosae,
Sine spineto

florentis rosae,
Servans caelibatum
Orbi quae profudit natum.

2. Ex figuris

divinis claruit,
Dum rubus arsit

nec virens aruit,
Quo, virgo, praesignaris,
Partu producto

non temeraris;
Donum singulare!
Exstas mater sine mare.

3. Ortus clausus

germinas lilium,
Te fons signatus

rigans exsilium,
Te thronus Salomonis,
Vellus praesignat

te Gedeonis,
Flos florum, Maria,
Tu porta regis pervia.

4. Regis regum

genetrix humilis,

. . . . . . . .

Prae cunctis es electa,
Mater honoris,

virgo, effecta,
Felix puerpera,
Lactans regentem aethera.

5. Gloriosam

te poli agmina,
Vatum beatam

collaudant famina,
Laudant et Evae nati,
Per filium

tuum reparati,
Te dignam laudibus
Concinunt omnes plausibus.

6. Iuncta tuo

congaudes filio,
Orbis assumpta

iam ab exsilio,
In veste deaurata
Astas a dextris

iam coronata
Corona gloriae,
Sponsa regis victoriae.

7. Vera mater

misericordiae,
Sis adiutrix

in valle miseriae,
Placando tuum natum
Potenter de-

terge reatum
Purgare vitia
Pietatis ex gratia.

8. Summe Iesu,

matris precamine

Nobis in diro
servis examine

Placare, rex sanctorum,

Coetibus ad-
iunge beatorum

Matris per iuvamen,

Da tibi conregnem. Amen.