VALENTINEN. 141

vocatus, tempus non habuit testes pro sua causa vocandi. Etenim vir a tribus iam mensibus resciverat, Gustaviam actionem nullitatis intendisse ; quare numquam ipse de tem- poris defectu conquestus est. Et revera percontanti iudici « avez-vous des témoins à produire, des pièces à communi- quer au Tribunal? Qu'a vez-vous à ajouter? respondit : « j e n'ai ni témoins ni pièces a produire ».

Considerant postremo iudices Valentinenses, quod inco- lae du Buis audientes informationem fieri pro annullatione matrimonii huius ad aedem, ubi erant iudices, aestuantes venerunt ad manifestandum reprobationem totius parochiae contra relaxationem matrimonialis vinculi. Sed hoc asserere ridiculum esse dicunt patroni; quandoquidem iustitiae ad- ministratio furori popolari obnoxia esse non debet, iuxta vetus effatum «pereat mundus, sed fiat iustitia ». Attamen defensores mirantur quod Iudices inquisitores hos clamores non animad verterint ! Et sane in litteris, quibus acta ad Episcopum Valent, transmittunt, de his clamoribus iudices inquisitores ne verbum quidem faciunt, « perfecta animi ae- quitate inquisitionem peregimus, testes audivimus, conqui- sivimus etc. ».

A NIMADVERSIONES DEFENSORIS VINCULI. E X adverso vin- culi defensor totis viribus contendit non constare in casu de matrimonii nullitate; quandoquidem ad hanc probandam non verba, sed facta, et quidem concludentia, adducenda sunt. Et in primis affert quae nos docet sacra Rota, decis. 149, § 1; coram Ratto : « Cum agatur de matrimonio con- tracto coram parocho et duobus testibus iuxta formam prae- scriptam a sacro Concilio tridentino in sess. 24, De reform, matrim, cap. 1, et in ipso celebrationis actu intervenerit liber consensus utriusque contrahentis, omnis praesumptio militare debet pro validitate eiusdem matrimonii, nullaque ratio ha- benda est de oppositis exceptionibus, quando illae non sunt adeo perstringentes et efficaces, /ut incontinenti et concluden- tissime, evincant praetensam nullitatem, sive ex defectu liberi consensus, sive ex alia irritanti causa promanantem ».