137. De sancta Anna.
Ad Laudes.

1. In festo Annae gaudeat
Et ad gaudendum coeat
Omnis turma fidelium
In Christo exsultantium.

2. Ancilla illam provocat,
Sed ipsa Deum invocat
Precibus et jejuniis
In locis solitariis.

3. Cur ego, inquit flebilis,
Expers fructus et sterilis,
Cum brutis animalibus
Fit copia in foetibus.

4. Cum haec vel his similia
Dixisset plena gratia,
De coelo venit sonitus
Consolans illam coelitus.

5. In utero concipies

Quandamque natam paries,
Per saecla erunt omnia
Per illam mundo gaudia.

6. Gloria detur usiae,
Cujus est totum gratiae,
Quidquid hic fit humanitus
Vel in coelo divinitus.