130. De beata Maria V.

1. Imperatrix egregia,
Virgo gloriosa,
Iesu Christi mater pia
Et imperiosa.

R. O dulcis Maria,
Interventrix dia,
Lux, serena flebiles,
Refove nos debiles,
Advocata pia.

2. Ave, plena tu gratiae,
Salus humanitatis,
Tu sceptrum regis gloriae,
Arca deitatis,

R. Fac nos esse mites
Semper et humiles,
Potestas summi Dei,
Miserorum sancta spes,
Iunge nos, ubi tu es.

3. Memento nostri, quaesumus,
Praeelecta, sancta,
Ut tuus primogenitus
Parcat nostra peccata,

R O virgo virginum,
Exora Dominum,
Ut nos tuis precibus
Locans in caelestibus
Regni det solium.