143. De Beata Maria V.

1. Salve, parens adornata
Virtutibus et signata

Signo pudicitiae,
Praeclectuin vas honoris,
Sanctissimum vas odoris,

Vas omnis munditiae.

2. Vas decoris, vas sacratum,
Vas splendoris, deauratum

Auro sapientiae,
Vas prae cunctis sublimatum,
A Deo miseris datum

In necem miseriae.

3. Vas sine pari formatum,
Omni bono perornatum,

Plenum omnis gratiae,
Vas mundatum, nos emunda,
Saepe munda et remunda,

Vas misericordias.

4. O theotocos, flos florum,
O redolens arca morum,

Tu candes ut lilium;
Parum dixi, nam candore
Nivem vincis et odore

Omne aromaticum.

5. O electa spreta Vasthi,
Gentem tuam liberasti

Aman morti tradito,
O fiscella Mosaica,
Vultum benignum indica

Gregi tibi subdito.
Virgo munda, nos emunda,
Saepe munda et remunda,

Gratis, non ex merito.

6. Salve, mater pietatis,
Adnullatrix vetustatis,

Novae vitae formula.
Salve, virgo, noster [risus],
Archa Noe, paradisus

Et Aaron virgula.

Virgo munda, nos emunda,
Saepe munda et remunda,
Iustitiae regula.

7. Mater dulcis, clemens, pia,
Mundi [salus], caeli via,

Tu Engaddi vinea,
Gemma caeli, mundi rosa,
Proles David gloriosa,

Tu es urna aurea.
Virgo munda, nos emunda,
Saepe munda et remunda

Eruens a framea.

8. Mater veri Salomonis
Atque vellus Gedeonis,

Nos in pace visita,
Quae per rubum designaris
Et regina nuncupans

Prae omnibus inclita,
Virgo munda, nos emunda,
Saepe munda et remunda

Et nobiscum habita.

9. Felix Anna, iucundare,
Quae meruisti portare

Genetricem gloriae,
Quae puteum sine fundo
Arenti dedisti mundo,

Unde potus veniae.

10. Sancta Lucia, laetare,
Quae parenti sine pare

Servis vera nuntia,
Illi prae amore iuncta,
Servitio rite functa

Pietatis gratia.

11. Sancta Fides cum socia
Elisabeth, matre pia,

Nobis posce veniam,
Ad hoc rei suspiramus,
Te propter hoc exoramus

Et caelestem curiam.

12. Ad te, Maria, redimus,
Quia sine te perimus,

Porta caeli pervia,
Omnis intrans intrat per te,
Hoc scit et videt aperte,

Qui manet in patria.

13. Fac nos immunes a malo,
Quod attulit Eva malo,
Et post mortem in gloria
Nos recipe cum gaudio
Regnaturos cum filio.