142 Acta Apostolicae Sedis - Commentarium Officiale

SACRA CONGREGATIO CONCILII

i

A P U A N A

FUNERUM

Die 12 Novembris 1927

SPECIES FACTI. - Communale - ut aiunt - coemeterium civitatis Apiia- nae situm materialiter est in territorio paroeciae cathedralis B. M. V. sideri-

bus receptae: nulla tamen auctoritate ecclesiastica est conditum, immo cum

etiam acatholicorum corpora ibi tumulentur, nec rituali benedictione dona-

tum est, sed tumuli et f ossae singillatim benedici solent. Fere ab eius insti-

tutione, post hominum memoriam, nonnulli etiam christifideles suburbanáe

paroeciae B. M. Y. ab Angelo salutatae - quae quidem paroecia finitima

est territorio paroeciae urbanae S. Petri, et proprium habet coemeterium, sed

iam angustum, squaleus et incommodum - facile obtinuerunt ut in praefato

communali coemeterio Apuano sepeliantur: sive quod ibi exstet sepulcrum

maiorum seu familiae, sive quod ante mortem suam patefecerint volunta-

tem ut ibidem eorum corpora deponerentur, sive demum heredes ipsorum

ita perfici curarent. In hisce casibus, obtenta per heredes venia ab aucto-

ritate communali, absque ulla difficultate, non secus ac parochi ceterarum

quatuor civitatensium paroeciarum, parochus suburbanus Ssmae Annun-

tiatae, peracto funere in sua ecclesia, cadavera suorum associabat ad

coemeterium communale, vel saltem - in casu sepulturae electivae, aut

de parentum arbitrio decretae - usque ad limites paroeciae cathedralis

B. M. V. assumptae. Id tamen non patitur novus praepositus-parochus

huius ecclesiae cathedralis, qui ratus hac ratione laedi can. 1218-1230,

1232 Cod. iuris can., signanter vero can. 1230, 7° de iure ecclesiae cathe-

dralis, annuente suo E m o Ordinario, postulavit a Sacra Concilii Congre-

gatione declarari utri ius exsequias peragendi et associandi cadavera in

casu competeret. Praehabitis itaque duorum Consultorum votis, Emis Pa-

tribus dubia quae sequuntur proposita sunt:

« I. - An parocho Ssmae Aunuuciatae ius exclusivum competat sepul-

turae ecclesiasticae sui paroeciani qui sepulchrum habeat in municipali

coemeterio in casu? »

« I I . - An idem exclusivum ius. eidem parocho competat si suus paroe-

c iam^ tumulationem ibidem elegerit in casu? »