144. De Beata Maria V.

1. Ave, gloriosa,
Dulcis et formosa,

Mater gratiae,
Stirpe generosa,
Prole pretiosa,
Fons clementiae.

2. Gemma pietatis,
Nexus unitatis,

Lanx iustitiae,
Norma sanctitatis,
Duleor caritatis,
Datrix veniae.

3. Tu laus angelorum,
Speculum tuorum,

Caeli gloria,
Tutrix pupillorum,
Ductrix captivorum
Ad praesidia.

4. Tu maestis solamen,
Aegris meclicamen,

Piis praemia,
Lapsis dans levamen,
Salus post certamen
Caeli gaudia.

5. Ave, flos pudoris,
Parens salvatoris,

Plena gaudio,
Donis sacri roris,
Cordis, artus, oris
Carens vitio.

6. Tu virgo sacrata,
Flore comparata

Rosae, lilio,
Moribus ornata,
Vernas sicut prata

Flore vario.

7. Tu es fons salutis
Robore virtutis

Et clementia,
Caeeis, surdis, mutis,
Ope destitutis

Das remedia.

8. Tu post Deum prima,
Summis ligas ima

Pacis fascia,
Nobis zeli lima
Culpae purgas zima,

Sis propitia.

9. Ave, margarita
Pura, non polita

Fulgens lumine,
Turris monte sita,
Fortis et munita

Sancto flamine.

10. Tu es benedicta,
Nesciens delicta,

Vatum carmine,
Virga, rubus dicta,
Constans et non ficta,
Sine dumine.

11. Tu sacro pudore,
Sacro fusa rore,

Paris lilium,
Nec te matris more
Cruciat dolore

Puerperium.

12. Tu, virgo beata,
Maria vocata,

Spes fidelium,
Pure salutata
Votis et parata
Te precantium.

18. Ave, vas virtutum,
Salutis imbutum

Aromatibus,
Cui nil hirsutum
Haeret nec pollutum

Culpae sordibus.

14. Tu desiderata
Diu, tandem data

Sanctis patribus,
Viam das post fata
Mente tibi grata
Famulantibus.

15. Tu nautarum stella,
Nautas in procella

Salvans, diceris,
Tu es Dei cella,
Favus stillans mella,

Arca foederis.

16. Tu pons et piscina,
Portus et carina,

Quae prae ceteris
Confers in ruina
Gratia divina

Opem miseris.

17. Ave, puellarum

Speculum sanctarum,

Splendor gloriae,
Praemiura sanctarum,
Palma viduarum,
Flos munditiae.

18. Scala peccatorum
Ad regna polorum,

Dono gratiae
Nos per viam morum
Duc ad lucis chorum
Et laetitiae.