146.

1. Novi laudes pueri

Pangat aetas tenera,
Sub quo tremunt inferi,

Qui firmavit aethera;
Per quem mundus alitur,
Ali lacte patitur

Matris sugens ubera.
R Gaudeamus igitur,
Quia puer nascitur

Pacis ferens sidera.

2. De spineto veteri
Stirpe satis aspera
Suo discors generi,

Mitis odorifera
Ceu rosa progreditur
Virgo, per quam redditur,
Quod subtraxit altera.

3. Sacri cujus uteri

Clausum intra viscera
Carni passus congeri

Verbum premit sidera
Nec majestas premitur,
Sed major efficitur
Caro facta libera.
R Gaudeamus igitur,
Quia puer nascitur
Pacis ferens sidera.
4. Tuo finem sceleri

Gens impone misera,
Fide crede celeri,

Quod virgo puerpera
Parit et non solvitur
Pudor, ut adstruitur
Isaiae litera.

5. Per hanc nobis aperi,
Jesu, patris dextera,

Quac frequentant superi,
Atria stelligera,

Ubi dulce vivitur,

Ubi felix agitur
Dies sine vespera.