140. De Beata Maria V.

1 a. O munus pauperum

amabile,
Angelis laetabile,
Miseris optabile,

Mater pia.

1b. Velut inter rorem

et aream,
Christum et ecclesiam,
Solem limes et lunam

Es, Maria.

2 a. Iubilus in corde,
Tu melos in aure,
Summa reparatrix
peccatorum ;

2 b. Aegris [tu] medela,
Tu reis venia,
Vivificatrix sub-
secutorum.

3 a. O femina singularis,
Singulariter mirabilis,
Pauperum locupletatrix.

3 b. Conversus ad te non perit,
Sed aversus a te interit,
Humilium sublevatrix.

4 a. Tu salus [es] in periculis,
Ex Iacob stella nobilis,
Te decet laus inaestimabilis.

4 b. Fons veniae digne diceris ;
Ubi bonum non invenis,
Efficere bonum non deseris.

5 a. Virgo mitis,

parens et ancilla,
Benigna et tranquilla,

Excita fidem,

Firma spem
Da vitiis finem,

moribus disciplinam.

5 b. Infernus per

te remediatur,
Homo recuperatur,

Ex causa munda,

Nos salva
Post hanc horam huius

vitae vespertinam

6. Maria.