144 Decreta

bus et detecto capite incessit, ieiunium servavit severissimum, brevem super nudum asserem per noctem quietem sumpsit, orationibus aliis- que piissimis exercitationibus assidue vacavi t. Saxulam frequenter pergebat ut sacro adstaret, et ad Poenitentiae et Eucharistiae Sacra- menta accederet ; quod postea praestitit in sacra Aedicula, quae prope eius cellulam erecta est, quin ei opus esset ut eremum desereret. Cum septuagesimum aetatis annum attigisset, in osculo Domini sancto fine quievit anno MCCCCLXXXVII eodem ipso die, quo in lucem prodierat. Post obitum fama sanctitatis eius, quae iam apud omnes Helvetios obtinuerat dum viveret, adeo increvit prodigiorum celebritate, ut populi ad eius tumulum confluentes publico Eumdem cultu prose- querentur. De huiusmodi Cultu Sacrorum Rituum Congregatio censuit constare, utpote de casu excepto per longissimi temporis cursum super hominum memoriam ex actibus etiam excedentibus metam annorum centum, ac proinde a Summo Pontifice Innocentio X sa. me. con- firmatus est Decreto diei xxi novembris anni MDCXXXXVIII. Cum autem Sacrorum Antistites et Catholica Helvetiorum Societas a Pio IX nun- cupata preces Eidem SSmo Domino Nostro porrexerint, ut in Causa Beati Nicolai ad ulteriora procederetur; Sanctitas Sua apostolicam dispensationem concessit die XII augusti MDCCCLXIX discutiendi Du- bium de Virtutibus Beati Nicolai de Flue praefati, antequam ex Decretis ad alia procedi valeat in Sacrorum Rituum Congregatione Ordinaria, sine tamen interventu et voto Consultorum, sed solum reservata facultate Praelatis dictae Congregationi de more interve- nientibus super eodem Dubio sententiam suam aperiendi. Quare ab Erfio et Rrho Domino Card. Aloisio Bilio Causae eiusdem Relatore ad humillimas preces R. D. Francisci Virili Missionarii Apostolici e Congregatione Pretiosissimi Sanguinis Domini Nostri Iesu Christi et Causae Postulatoris proposito sequenti Dubio: « An ita constet de praedicti Beati Nicolai Virtutibus Theologalibus et Cardinalibus earumque adnexis in gradu heroico in casu et procedi possit ad ulteriora ? eodemque Dubio diligentissime discusso, Erui et Rmi Pa- tres Cardinales Sacrorum Rituum Congregationi praepositi in Ordi- nariis Comitiis subscripta die ad Vaticanas Aedes coadunati, mature perpensis et examinatis omnibus in eadem Causa deductis, auditoque R. D. Laurentio Salvati, Sanctae Fidei Promotoris Coadiutore, rescri- bendum censuerunt Affirmative. Die XXVIII septembris MDCCCLXXII.

« Super quibus omnibus facta postmodum Sanctissimo Domino Nostro Pio Papae IX per me subscriptum Secretarium fideli rela- tione, Sanctitas Sua benigne annuit, Rescriptumque Sacrae Congre- gationis ratum habuit et confirmavit. Die III octobris anni eiusdem.

C. Card. PATRIZI, Episc. Ostien. et Velitern., S. R. C. Praef.

L. S. D. Bartolini, S. R. C. Secretarius.