141. De Beata Maria V.

1 a. Ave, mundi florens rosa,
Lampas lucis speciosa;
Ave, mater et puella,
Porta caeli, maris stella.

1b. Ave, decus viduarum,
Flos et gemma puellarum;
Ave, sancta, ave, pia,
Ave, mitis o Maria.

2 a. Tu corona reginarum,
Imperatrix dominarum,
Speciosa margarita,
Rosa gelu non attrita.

2b. Tu dulcedo peccatorum,
Tu pes tutus es lapsorum,
Tu infirmis das salutem,
Reddis posse per virtutem.

3 a. Vas electum creatoris,
Medicina peccatoris,
Per te reis datur doxa
Ac deletur Evae noxa.

3 b. Per te venit ad nos Deus,
Ut haberet vitam reus ;
Per te mundo verum numen
Sempiternum dedit lumen.

4 a. Ave, virgo, mater Christi,
Quae de caelo suscepisti
Nova mater novam prolem,
Nova stella novum solem.

4 b. Tu es vitae vera porta,
Per quam nobis lux est orta,
Alma virgo, tuum natum
Nobis reis fac placatum,

5 a. Ut cum iustis et beatis
Expurgatos a peccatis
Ad aeternam suam lucem
Nos perducat per te ducem ;

5 b. Ut cantemus ''Alleluia
''In aeternum voce pia.

Soc iam pater, hoc iam flamen,
Hoc iam natus praestet. Amen.