142. De sancto Ackatio.

1. Alme martyr, o Achati,
Cordi meo contumaci

Pie fer subsidium,
Ut de digne salutare
Merear et impetrare

Tuum patrocinium.
2. Christi fortis o athleta,
Qui naturae mundi laeta

Spernis cum complicibus
Alexandro nec non Marco
Praesuleque Hermolao

Cum ter ternis millibus.
3. His cum mille Deo carus
Auctor militum praeclarus

Jungitur Theodorus,
Sicque decies millenus
Stat perfectus atque plenus

Sacer vester numeras.
4. Aquilis velociores,

Fortes Christi bellatores

Alta poli scandere,
Lapidati, coartati,
Diris spinis coronati

Portas coeli pandere.

5. Crucifixi, clavis puncti,
Pro baptismate peruncti

Pretioso sanguine,
Et sic omnes Christi plene
Sunt illatac vobis poenae,

O felices animae.

6. In extremis vestris horis

Signa mortis salvatoris

Referuntur edita ;
O constantes, o invicti,
Quanta vestra, benedicti,

Sunt praeclara merita.
7. Vos ergo, dilecti Dei,
Precor, mementote mei

In coeli palatio,
Ut mors Christi, matris planctus
Mihi sine fine sanctus

Sit et consolatio.
8. Sit et vestrum per oramen
Mihi salus et tutamen

Corporis et animae,
Ut quandoque possim clare
Vobis et coexsultare

In acterna requie.