143. De sancta Agatha.

1. Ave, pulchra Christi sponsa,
Agatha, quae sicut tonsa
Ovis feta scandens lota,
Nam explesti tua vota.

5. Clara nata parentela,
Valde prudens in loquela,

Inter Catanenses cives
Fama rebusque praedives,
Virgo facie venusta,
10. Sed ancilla Christi justa,
Ex illius servitute
Summe clara probas tu te.

O quantus dulcor te fovet,
Quam a Christo nihil movet,

15. Quam non mutant blandimenta
Neque minae nec tormenta ;
Spernens suasum impudicum,
Blandimenta meretricum,
Gaudes sic incarcerari

150. Quasi laute convivari.
Heu dolorem fers amarum
In tortura mamillarum,
Tyrannus in te destruxit,
Quod in matre ipse suxit.

25. Nuda super testes fractas
Volutaris igne tactas,
Dira haec et inconsueta
Pertulisti mente laeta.
Quantum places sponso tuo,

30. Probant in te signa duo:
Sanctus Petrus Christi cura
Te salvavit a laesura,
Quem de coelis ad te misit,
Et libenter te invisit

35. Ut dilectam suam natam,
Quasi sponsam regis gratam.
Angelorumque conventum
Misit ad te bene centum,

Qui te darent bcpelturae,

40. Tantae eras sibi curae.
Pandunt mentis sanctitatem
Patriacque libertatem,
Angeli per hunc honorem
Suam monstrant te sororem.

45. O patrona curialis,

Precor, serva mea malis,
Fac mamillas intellectus,
Cordis semper et affectas
Me servare incorruptas

50. Tamquam soli Deo nuptas.
Quibus omnes sensus meos
Pascam delectando eos,
Pulchrum Dei contemplando,
Jussa ejus auscultando,

55. Attendendo vitam Christi,
Ut conformis fiam isti,
Hunc gustando cum dulcore
Et tangendo cum amore,
Ut sic crescam in salutem

60. Ad aeternam juventutem;
In qua semper tu lactaris
Cum amicis Dei caris
Cantans dulce modulamen
In chorea Christi. Amen.